އަލްޙާފިޡް ޔޫނުސް ބިން އަޙްމަދު
ޔޫނުސް ބިން އަޙްމަދު، ކުޑައިރުއްސުރެވެސް ކީރިތި ޤުރްއާން ދަސްކުރުމަށް ވަރަށް ޝައުޤުވެރިކަން ހުރެއެވެ. އެގޮތުން، ދުނިޔޭގެ މަޝްހޫރު ގިނަ ޤާރީންގެ ކިޔެވުން ޔޫނުސް އަޑުއަހަމުން ގެންދެއެވެ. އަދި، އެކިއެކި ޤާރީން ކިޔަވާ ރާގުތަކަށް ކިޔަވައެވެ. އެގޮތުން، ކީރިތި ޤުރްއާން އަޑުއަހައި ފަރިތަކުރަން ފެށުމުގެ ނަތީޖާއެއްގެ ގޮތުން، ތަފާތު ރާގުތަކަށް ކިޔެވުމުގެ ހުނަރު، ޔޫނުސްއަށް ލިބެން ފެށިއެވެ.
ޔޫނުސް، ކީރިތި ޤުރްއާން ހިތުދަސްކުރަން ފެށީ، 2019ވަނަ އަހަރު، ކީރިތި ޤުރްއާނާބެހޭ ޤައުމީ މަރުކަޒުންނެވެ. ކޯވިޑުގެ ބަލިމަޑުކަމަށްފަހު، އަލުން ކީރިތި ޤުރްއާން ހިތުދަސްކުރަން ފެށީ، ޢިލްމު އިންސްޓިޓިއުޓްގައި ބައިވެރިވެގެންނެވެ. 2021ވަނަ އަހަރުން ފެށިގެން 2024ވަނަ އަހަރުގެ އެޕްރީލު މަހުގެ ނިޔަލަށް މުޅި މުޞްޙަފް އެއްކޮށް ކިޔައިދީ ނިންމިއެވެ. އަދި، މުރާޖަޢާ ކުރަން ފެށީ 2 ޖޫން 2024 ގައެވެ. މުރާޖަޢާކޮށް ނިމުނީ 18 ޑިސެންބަރު 2025 ގައެވެ.
ޔޫނުސް ބިން އަޙްމަދު، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 7 ފެބުރުވަރީ 2026 ގައެވެ.
الله سُبْحَانَهُ وَتَعَالَى އަށް ޝުކުރުކުރާ ހާލު، ކީރިތި ޤުރްއާން ހިތުދަސްކުރުމުގައި ޔޫނުސްއަށް އެހީތެރިވެދެއްވި މައިންބަފައިންނަށާއި، ހުރިހާ އުސްތާޛުންނަށް ޝުކުރު އަދާކުރެއެވެ.