އަލްޙާފިޡް އަޙްމަދު އިކްމާލް އިބްރާހީމް
އަޙްމަދު އިކްމާލް އިބްރާހީމް، ކީރިތި ޤުރްއާން ހިތުދަސްކުރުމަށް ޝައުޤުވެރިވީ، ބޭބެ ހިތުދަސްކުރަމުން ގެންދާ ތަން ފެނިގެން، އިކްމާލްގެ އުމުރުން 7 އަހަރުގައެވެ. އެންމެ ފުރަތަމަ ޤުރްއާން ހިތުދަސްކުރަން ފެށީ، މަންމައާއެކުގައި ގޭގައެވެ. ނަމަވެސް، 2020ވަނަ އަހަރު ޕާކިސްތާނުގެ ޙާފިޡަކާއެކުގައި އޮންލައިންކޮށް ޙިފްޡުކުރަން ފެށިއެވެ. އެހެންނަމަވެސް، އެ ކުލާހުގެ ކިޔެވުން މެދުކެނޑުމާއެކު، 2023ވަނަ އަހަރު، ޢިލްމު އިންސްޓިޓިއުޓްގެ ޙިފްޡު ކުލާހުގައި ބައިވެރިވެ، ޤުރްއާން އެއްކޮށް ޙިފްޡުކޮށް ނިންމައި، 25 ޑިސެންބަރު 2025 ގައި އިމްތިޙާނު ކޮމިޓީއަށް ކިޔައިދޭން ފެށިއެވެ. އަދި 31 ޖަނަވަރީ 2026 ގައި ކިޔައިދީ ނިންމިއެވެ.
އަޙްމަދު އިކްމާލް އިބްރާހީމް، 2ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 31 ޖަނަވަރީ 2026 ގައެވެ. އޭރު އުމުރަކީ 13 އަހަރެވެ.
ކީރިތި ޤުރްއާން ހިތުދަސްކުރުމުގައި، އަޙްމަދު އިކްމާލް އިބްރާހީމަށް އެހީތެރިވެދެއްވި މައިންބަފައިންނަށާއި، ޢާއިލާގެ މެންބަރުންނަށާއި، މުދައްރިސުންނަށާއި، އެންމެހައި ފަރާތްތަކަށް އިކްމާލް، ޝުކުރު އަދާކުރެއެވެ.