އަލްޙާފިޡް ޖާހް ޖިހާދު
ޖާހް ޖިހާދު، ކީރިތި ޤުރްއާން ހިތުދަސްކުރުމަށް ޝައުޤުވެރިވީ، ޤުރްއާން ކިޔަވަންދިޔަ ގޭގައި، އެހެން ކުދިން ހިތުދަސްކުރާ ތަން ފެނިގެންނެވެ. މިގޮތުން، ފުރަތަމަ ދަސްކުރަމުން ގެންދިޔައީ، މުޞްޙަފްގެ 1ވަނަ ސަފުހާއިން ފެށިގެން 11ވަނަ ސަފުހާއާ ހަމަޔަށް، ދުވާލަކު ސަފުހާއެކެވެ. އެއަށްފަހު، އެއްދުވަހު ދިގު މުރާޖަޢާ 10 ސަފުހާ އަދި އަނެއްދުވަހު ކުރު މުރާޖަޢާ، 4 ސަފުހާ ކިޔައިދެމުން ގެންގޮސްފައި ވެއެވެ. ބައެއް ދުވަސްދުވަހު 2 ސަފުހާއާއި 6 ސަފުހާވެސް މުރާޖަޢާކޮށް ކިޔައިދީފައި ވެއެވެ. ކީރިތި ޤުރްއާން ހިތުދަސްކުރަމުން ގެންދިޔައީ، ހެނދުނު އެއް ގަޑިއިރުއެވެ.
މިގޮތުން ކުރި މަސައްކަތުން، ކީރިތި ޤުރްއާން ހިތުދަސްކޮށް ނިންމައިފައި ވަނީ، 17 އޮގަސްޓު 2025 ގައި، އުމުރުން 12 އަހަރުގައެވެ. އޭގެފަހުން، މުރާޖަޢާ ކުރިއަށްގެންދިޔައީ، 28 ސެޕްޓެންބަރު 2025 ން 8 ޑިސެންބަރު 2025 އަށެވެ.
ޖާހް ޖިހާދު، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 14 ޖަނަވަރީ 2026 ގައެވެ.
ކީރިތި ޤުރްއާން ހިތުދަސްކުރުމުގައި، ޖާހް ޖިހާދަށް އެންމެބޮޑު އެހީތެރިކަމެއް ލިބިފައިވަނީ، ޤުރްއާން މުދައްރިސާ ސާރާ ޢަލީގެ ފަރާތުންނެވެ. އޭގެއިތުރަށް، މައިންބަފައިންނާއި، ޢާއިލާއާއި، ގާތް ރަޙްމަތްތެރިންނާއި، ސްކޫލްގެ މުދައްރިސުންގެ ފަރާތުން ލިބިފައިވާ އެހީތެރިކަން ފާހަގަކޮށް، އެ ފަރާތްތަކަށް ޝުކުރު އަދާކުރެއެވެ.