އަލްޙާފިޡާ ފާޠިމަތު މުޒްނާ މުޙައްމަދު
ފާޠިމަތު މުޒްނާ މުޙައްމަދު، ކީރިތި ޤުރްއާން ހިތުދަސްކުރެއްވުމަށް ޝައުޤުވެރިވެވަޑައިގަތީ، ކުޑައިރު، ޤުރްއާން ކިޔެވުމުގެ މުބާރާތްތަކުގައި ބައިވެރިވެވަޑައިގެންނެވި ދުވަސްވަރުއެވެ. މުޒްނާ ފުރަތަމަ ބައިވެރިވެވަޑައިގެންފައިވަނީ، ބަލައިގެން ކިޔެވުމުގެ ގޮފީގައެވެ. ނަމަވެސް، އެދުވަސްވަރު، ހިތުން ކިޔެވުމުގެ ގޮފީގައި ބައިވެރިވާ ކުދިން މަދުވުމާ ގުޅިގެން، މަންމަ ދެއްވި ލަފާގެ މަތިން، ހިތުން ކިޔެވުމުގެ ގޮފީގައި ބައިވެރިވެވަޑައިގެންނެވިއެވެ.
ހިތުން ކިޔަވަން ދަސްކޮށްދޭ ކުލާހެއްގައި ފާޠިމަތު މުޒްނާ މުޙައްމަދު، ފުރަތަމަ ބައިވެރިވެވަޑައިގަތީ 2008ވަނަ އަހަރު، ރަށުގައި ހިންގަން ފެށި ޤުރްއާން ކުލާހެއްގައެވެ. ފުރަތަމަ ހިތުދަސްކުރައްވަން ފެށްޓެވީ، އުމުރުން 8 އަހަރުގައި، ގޭގައެވެ. ފުރަތަމަ ދަސްކުރައްވަން ފެށްޓެވީ ދެ އާޔަތުން ތިން އާޔަތުންނެވެ. އެއަށްފަހު، ސަފުހާއަކުން ދަސްކުރައްވަން ފެށްޓެވިއެވެ. 2015ވަނަ އަހަރު، ހިތުދަސްކުރާ ކުލާހެއްގައި ބައިވެރިވެވަޑައިގެން ނަމަވެސް، ސްކޫލުގެ މަސައްކަތްތައް ބުރަވުމާއެކު، ގިނަ ދުވަހު ކުލާހަށް ހާޒިރުވެވަޑައިނުގެންނެވޭތީ، ކުލާހުން ވަކިވެވަޑައިގެން، ގޭގައި ހުސްވަގުތު ހޯއްދަވައިގެން ކިޔެވުން ކުރިއަށް ގެންދެވިއެވެ. އަލުން ޙިފްޡު ކުލާހެއްގައި 2018ވަނަ އަހަރު ބައިވެރިވެވަޑައިގެން، 7 އަހަރުގެ ތެރޭގައި ހިތުދަސްކުރެއްވުމަށްފަހު، މުރާޖަޢާ ކުރައްވަން ފަށްޓަވައި، 4 އަހަރު ދުވަހުގެ ތެރޭގައި މުރާޖަޢާ ކުރައްވައި ނިންމެވިއެވެ. އެއީ، އުމުރުން 15 އަހަރުގައެވެ.
ފާޠިމަތު މުޒްނާ މުޙައްމަދު، 1 ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރެއްވީ، 13 ޖަނަވަރީ 2026 ގައެވެ.
ކީރިތި ޤުރްއާން ހިތުދަސްކުރެއްވުމަށް، މުޒްނާ ކުރެއްވި މި ދިގު ދަތުރުގައި އެހީތެރިވެދެއްވީ، މުޒްނާގެ މައިންބަފައިންނާއި، ޢާއިލާއާއި، އަދި ކިޔަވައިދެއްވި މުދައްރިސުންނެވެ.