އަލްޙާފިޡް ޔޫސުފް ބިން މާޒިން
ޔޫސުފް ބިން މާޒިން، ކީރިތި ޤުރްއާން ހިތުދަސްކުރުމަށް ޝައުޤުވެރިވެ، ޤުރްއާން ހިތުދަސްކުރަން ފެށީ، އުމުރުން އެންމެ ތިން އަހަރުގައެވެ. އެގޮތުން، ޔޫސުފްގެ މަންމަ، ގޭގައި ޤުރްއާން ކިޔަވައިދޭ އަޑު އިވުމުން، އެ ބައިތައް އަޑުއަހައިގެން ދަސްކޮށް ކިޔައިދޭން ފެށިއެވެ. ޔޫސުފްގެ މި ހުނަރު ފާހަގަކުރެވިގެން، ޤުރްއާން ހިތުދަސްކޮށްދިނުމަށް ޔޫސުފްގެ މަންމަ ޢަޒުމް ކަނޑައަޅުއްވައިގެން، ހިތުދަސްކޮށްދެއްވަން ފެށްޓެވިއެވެ. މާގިނަ ދުވަސްތަކެއްނުވެ ޔޫސުފް، ކީރިތި ޤުރްއާން ހިތުދަސްކޮށް ނިންމައި، އޭރު ޔޫސުފް ތަޢުލީމު ހާސިލުކުރަމުންގެންދިޔަ ދޮންދޫނި ލިޓްލް ލަރނަރސް ޕްރީސްކޫލަށް ވަނީ ކިޔައިދީފައެވެ. އޭރު ހިތުދަސްކުރީ، ގޭގައި މަންމައާ އެކުގައެވެ. އެގޮތުން، އެ ދުވަހަކު ހިތުދަސްކުރެވޭ މިންވަރަކުން ދަސްކޮށް ނިމޭ ބައި ސުކޫލަށް ކިޔައިދެމުން ގެންދިޔައެވެ.
އުމުރުން އެންމެ 6 އަހަރުގައި ޔޫސުފް، ކީރިތި ޤުރްއާން ހިތުދަސްކޮށް ނިންމައި، ޤުރްއާން މުރާޖަޢާ ކުރުމުގެ މަސައްކަތް ކުރިއަށް ގެންދިޔައެވެ. ދުވާލަކު 5 ސަފުހާއިން މުރާޖަޢާ ކުރަން ފަށައި، އެ މިންވަރު އިތުރުކުރަމުން ގެންގޮސް، ބައެއް ދުވަސްދުވަހު ދެފޮތް ނުވަތަ ތިންފޮތްވެސް މުރާޖަޢާ ކޮށްފައި ވެއެވެ. މުރާޖަޢާކޮށް ޙިފްޡު ކޮމިޓީއަށް ކިޔައިދިނުމުގެ ކުރިން ޔޫސުފްގެ މަންމައަށް ޤުރްއާން ހިތުން އެއްކޮށް ކިޔައިދީފައި ވެއެވެ. މީގެއިތުރުން، ޑޮކްޓަރ މުޙައްމަދު ޢިޔާޒަށްވެސް ކިޔައިދީފައިވެއެވެ. ކީރިތި ޤުރްއާން އެއްކޮށް ހިތުދަސްކޮށް ނިމުނީ، 2019ވަނަ އަހަރުއެވެ.
ޔޫސުފް ބިން މާޒިން، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 30 ޑިސެންބަރު 2025 ގައެވެ.
ކީރިތި ޤުރްއާން ހިތުދަސްކޮށްދިނުމަށްޓަކައި ޔޫސުފްގެ މަންމަ ކޮށްދެއްވި ބުރަ އަދި އަގުހުރި މަސައްކަތަށް ވަރަށް ބޮޑަށް ޝުކުރު އަދާކުރެއެވެ. އޭގެއިތުރުން، ޢާއިލާގެ ހުރިހާ ފަރާތްތަކަށް، ޚާއްޞަކޮށް، މާމައާއި، ކާފައާއި، ޑޮކްޓަރ މުޙައްމަދު ޢިޔާޒާއި، ދޮންދޫނި ލިޓްލް ލަރނަރސް ޕްރީސްކޫލުން ކޮށްދެއްވި މަސައްކަތްތަކަށްވެސް ޝުކުރު އަދާކުރެއެވެ.