އަލްޙާފިޡް ޔޫސުފް ޒަކްނޫން ޖުނައިދު
ޔޫސުފް ޒަކްނޫން ޖުނައިދު، ކުޑައިރުއްސުރެވެސް ކީރިތި ޤުރްއާން އަޑުއެހުމަށާއި، ޤުރްއާން ކިޔެވުމަށް ޝައުޤުވެރިކަން ހުރެއެވެ. ޙިފްޡު ކުރުމަށް ޝައުޤުވެރިވީ، ނައިފަރު ބިލާލް ޤުރްއާން ކުލާހުގައި ކިޔެވި ދުވަސްވަރުއެވެ. މިގޮތުން، 2021ވަނަ އަހަރު، ބިލާލް ޤުރްއާން ކުލާހުގައި އުފެއްދި ޙިފްޡު ކުލާހުގައި ބައިވެރިވެ، 2024ވަނަ އަހަރު ޙިފްޡުކޮށް ނިންމިއެވެ. މީގެއިތުރުން، 2022ވަނަ އަހަރުން 2025ވަނަ އަހަރަށް، އުސްތާޛު އަޒްހީލް އަޙްމަދު ހިންގި އޮންލައިން ޙިފްޡު ކުލާހެއްގައި ބައިވެރިވެ، ދެފަހަރު މުޅި ޚަތިމު އެއްކޮށް ހިތުން ކިޔައިދީފައި ވެއެވެ.
ޒަކްނޫން، ގްރޭޑް 7 ނިމުނުއިރު ވަނީ، ކީރިތި ޤުރްއާން އެއްކޮށް ހިތުދަސްކޮށް ނިންމައިފައެވެ. އަދި، ކޮމިޓީއަށް ކިޔައިދިނުމުގެ ކުރިން، ކީރިތި ޤުރްއާނާބެހޭ ޤައުމީ މަރުކަޒުގެ މުރާޖަޢާ ކުލާހުގައި ބައިވެރިވެ، އެ ކުލާހުގެ މުދައްރިސުންނަށް ކިޔައިދީފައި ވެއެވެ.
ޔޫސުފް ޒަކްނޫން ޖުނައިދު، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 22 ނޮވެންބަރު 2025 ގައެވެ.
ޤުރްއާން ހިތުދަސްކުރުމުގައި، ޒަކްނޫނަށް އެހީތެރިވެދެއްވި ހުރިހާ ފަރާތްތަކަށް ހިތުގެ އެންމެ ފުންމިނުން ޝުކުރު އަދާކުރެއެވެ.