އަލްޙާފިޡް އިބްރާހީމް މުޠީޢު މުޙައްމަދު
އިބްރާހީމް މުޠީޢު މުޙައްމަދު، ޙިފްޡު ކުރުމަށް ޝައުޤުވެރިކަން އުފެދުނީ، މުޠީޢުގެ މަންމަ، އއ. މަތިވެރީ ބަޝާރަތުލް ޤުރްއާން ކުލާހުގެ ޙިފްޡު ކުލާހުގައި ބައިވެރިކުރެއްވުމުންނެވެ. އެ ކުލާހުގައި ކޮންމެ ދުވަހަކު ދެ ގަޑިއިރު އަދި ގޭގައި އެއް ގަޑިއިރު، ކިޔަވަމުން ގެންދިޔައެވެ. މުޠީޢު ޙިފްޡުކޮށް ނިންމާލީ، 7 މޭ 2022 ގައެވެ. އޭރު އުމުރަކީ، 10 އަހަރެވެ. މުރާޖަޢާ ކުރުމަށް ދެ އަހަރު ހޭދަކުރިއިރު، ކޮންމެ ދުވަހަކު މުދައްރިސަށް ފޮތެއް ކިޔައިދެމުން ގެންދިޔައެވެ.
ޤުރްއާން ހިތުދަސްކުރުމުގައި މުޠީޢުއަށް އެންމެބޮޑު އެހީތެރިކަމެއް ލިބުނީ، އުސްތާޛު ކަލީމުﷲގެ އަރިހުންނެވެ. އެއީ، 2019ވަނަ އަހަރުން ފެށިގެން ކޮމިޓީއަށް ކިޔައިދޭން ފެށުމާ ހަމަޔަށެވެ. އަދި ބަޝާރަތުލް ޤުރްއާން ކުލާހުގެ އިތުރު އުސްތާޛުންނާއި، އުސްތާޛާއިންގެ އެހީތެރިކަންވެސް މުޠީޢުއަށް ލިބުނެވެ. މީގެއިތުރުން، ކީރިތި ޤުރްއާނާބެހޭ ޤައުމީ މަރުކަޒުގެ މުދައްރިސުންގެ އެހީތެރިކަން ލިބިފައިވާކަން މުޠީޢު ފާހަގަކޮށް، އެހީތެރިވެދެއްވި ހުރިހާ އުސްތާޛުންނަށް ޝުކުރު އަދާކުރެއެވެ. ކީރިތި ޤުރްއާން ހިތުދަސްކުރުމަށް މުޠީޢު މިކުރި ދަތުރުގައި، އެންމެބޮޑު އެހީތެރިކަމަކާއި ހިތްވަރެއް ދެއްވި މުޠީޢުގެ މަންމައާއި ބައްޕައަށް ވަރަށް ޚާއްޞަ ޝުކުރެއް އަދާކުރެއެވެ.
އިބްރާހީމް މުޠީޢު މުޙައްމަދު، 1ވަނަ ދަރަޖައިގައި ފާސްވެ، ޙާފިޡްކަމުގެ ސަނަދު ހާސިލުކުރީ، 18 މޭ 2025 ގައެވެ.