އަލްޙާފިޡް ޢަބްދުﷲ އަޙްސަން ސަޢީދު
ޢަބްދުﷲ އަޙްސަން ސަޢީދުގެ އުމުރުން ދެ އަހަރު ބައިގައި، ދޮންދޫނި ޕްރީސްކޫލްގައި ކިޔަވަން ފެށީއްސުރެ، ސްކޫލް މުޤައްރަރު ދަސްކޮށް ކިޔައިދިނުމަކީ، ކީރިތި ޤުރްއާން ހިތުދަސްކުރުމުގެ ފެށުމެވެ. އާއިލާގެ އެހެން ކުދިންވެސް ކީރިތި ޤުރްއާން ހިތުދަސްކުރުމަށް ކުރަމުންގެންދިޔަ މަސައްކަތް ވެގެން ދިޔައީ، އަޙްސަނަށްވެސް ހިތުދަސްކުރުމަށް ލިބުނު އިތުރު އެހީއަކަށެވެ. ކީރިތި ޤުރްއާން ހިތުދަސްކުރުމުގައި، އަޙްސަނަށް އެންމެ ގާތުން މަސައްކަތް ކޮށްދެއްވައި، އެހީތެރިކަން ދެއްވައިފައި ވަނީ، އަޙްސަންގެ ލޯބިވާ މަންމައާއި ބައްޕައެވެ.
ކީރިތި ޤުރްއާނާބެހޭ ޤައުމީ މަރުކަޒުގެ ޙިފްޡު ކުލާހުގައި ކިޔެވުމުގެ ފުރުޞަތު އަޙްސަނަށް ލިބުނުއިރު، ކީރިތި ޤުރްއާނުގެ 18 ފޮތް ދަސްކުރެވިފައި ވެއެވެ. ކޮންމެ ރެޔަކު ފަތިހު، ކީރިތި ޤުރްއާން ހިތުދަސްކުރުމަށް އާދަކުރި އަޙްސަން، ކީރިތި ޤުރްއާން ހިތުދަސްކޮށް، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 30 ޑިސެންބަރު 2024 ގައެވެ.
ކީރިތި ޤުރްއާން ހިތުދަސްކުރުމުގައި އެކިގޮތްގޮތުން އަޙްސަނަށް އެހީތެރިވެދިން ހުރިހާ ފަރާތްތަކަށް ނުހަނު އިޚުލާޞްތެރިކަމާއެކުގައި އަޙްސަން ޝުކުރު އަދާކުރެއެވެ. ވަކިން ޚާއްޞަ ގޮތެއްގައި، އަލްޤާރީ މުޙައްމަދު ޠާރިޤާއި، އަލްޙާފިޡް ޢަލީ ނަޖީބު އަދި އަލްޙާފިޡް ޙާމިދު އިބްރާހީމްގެ ނަން ފާހަގަކުރެއެވެ.