އަލްޙާފިޡާ ފާޠިމަތު އީޝަލް އަޙްމަދު
ފާޠިމަތު އީޝަލް އަޙްމަދުގެ ލޮބުވެތި މަންމަގެ އެދުމުގެ މަތިންނާއި، ކީރިތި ޤުރްއާން ހިތުދަސްކުރަން މަންމަ ދިން ހިތްވަރުގެ ސަބަބުން، އެކަމަށް ޝައުޤުވެރިވެ، ޤުރްއާން ހިތުދަސްކުރަން އީޝަލް ފެށިއެވެ. އެއީ، 2020ވަނަ އަހަރުގެ އެޕްރީލު މަހުއެވެ. ޤުރްއާން ހިތުދަސްކުރީ އަމިއްލައަށެވެ. ޤުރްއާން ހިތުދަސްކުރުމަށް ދުވާލަކު ތިން ގަޑިއިރެއްހާއިރު އީޝަލް ހޭދަކޮށްފައި ވެއެވެ. އީޝަލް، ކީރިތި ޤުރްއާން ހިތުދަސްކޮށް ނިމުނީ 2022ވަނަ އަހަރުގެ ޖަނަވަރީ މަހުގެ 11ވަނަ ދުވަހުއެވެ. އެއަށްފަހު، ކީރިތި ޤުރްއާނާބެހޭ ޤައުމީ މަރުކަޒުގެ މުރާޖަޢާ ކުލާހުން މުރާޖަޢާކޮށް، ޙިފްޡު ކޮމިޓީއަށް ކިޔައިދިނީއެވެ.
ކީރިތި ޤުރްއާން ހިތުދަސްކުރުމަށް އީޝަލްގެ މަންމަގެ ފަރާތުން ލިބިފައިވަނީ، ނަމޫނާ އެހީތެރިކަމެއްކަމަށް ވުމާއެކުގައި، ލޮބުވެތި މަންމަގެ މަސައްކަތް އީޝަލް ޝުކުރުވެރިކަމާއެކުގައި ފާހަގަކުރެއެވެ.
ފާޠިމަތު އީޝަލް އަޙްމަދު، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 22 ޑިސެންބަރު 2024 ގައެވެ.