އަލްޙާފިޡް ޢަބްދުﷲ ޒަކްވާން މުޙައްމަދު ރިކްޒާން
ޢަބްދުﷲ ޒަކްވާން މުޙައްމަދު ރިކްޒާން، ކީރިތި ޤުރްއާން ހިތުދަސްކުރުމަށް ޢަޒުމު ކަނޑައަޅައި، ހިތުދަސްކުރަން ފެށީ، ކީރިތި ޤުރްއާން ހިތުދަސްކުރުމުން، މާތްﷲގެ ޙަޟްރަތުން ލިބޭނެ ނިޢުމަތާއި، ޤިޔާމަތް ދުވަހު މައިންބަފައިންގެ ބޮލުގައި އެޅުވިގެންދާ ރަނުގެ ތާޖުގެ މަތިވެރިކަން ގަބޫލުކުރެވުނު ހިނދުގައެވެ. މީގެއިތުރުން، ޒަކްވާނުގެ ދައްތަ، ކީރިތި ޤުރްއާން ހިތުދަސްކުރުން އެއީ، މިކަމުގައި ޒަކްވާނަށް ލިބުނު އިތުރު ހިތްވަރެއް ކަމުގައި ދެކިގެންނެވެ.
ޒަކްވާން، ކީރިތި ޤުރްއާން ހިތުދަސްކުރަމުން ދިޔައީ، "ބިލާލް ޤުރްއާން ކުލާސް"ގެ އުސްތާޛު ދެއްވައިފައިވާ ތާވަލާ އެއްގޮތަށެވެ. ދަސްކުރަމުން ގެންގޮސްފައިވަނީ، އެންމެ އިސްކަމެއް ދީގެން، ކަނޑައެޅިފައިވާ އަމާޒަށް ވާސިލުވުމަށެވެ. އެއީ، ދުވާލަކު މަދުވެގެން ބައި ސަފުހާ ދަސްކުރުމަށެވެ. ކޮންމެ ދުވަހަކުވެސް މުރާޖަޢާގެ ބައި ކުރިއަށް ގެންދަނީ، މަޣްރިބް ނަމާދާއި ޢިޝާ ނަމާދާ ދެމެދުގެ ވަގުތުތަކުގައެވެ. އެއަށްފަހު، ޒަކްވާން ޤުރްއާން ހިތުދަސްކޮށް، ޙިފްޡު ކޮމިޓީއަށް ކިޔައިދިނީއެވެ.
ކީރިތި ޤުރްއާން ހިތުދަސްކުރުމުގައި، އެކި ގޮތްގޮތުން އެހީތެރިވެދެއްވައިފައިވާ ފަރާތްތަކަށާއި، ޚާއްޞަކޮށް، ޒަކްވާނުގެ ލޮބުވެތި މަންމައާއި ބައްޕަ ކޮށްދެއްވި މަސައްކަތް ޝުކުރުވެރިކަމާއެކުގައި ފާހަގަކުރެއެވެ.
ޢަބްދުﷲ ޒަކްވާން މުޙައްމަދު ރިކްޒާން، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 9 ނޮވެންބަރު 2024 ގައެވެ.