އަލްޙާފިޡް މުޞްޢަބް ބިން ފައިޞަލް
މުޞްޢަބް ބިން ފައިޞަލް، ޤުރްއާން ހިތުދަސްކުރުމުގެ މަސައްކަތް ފެށީ ގޭގެ ތެރެއިން މަންމަގެ އެހީތެރިކަމުގައި އުމުރުން އެންމެ 5 އަހަރުގައެވެ. ޤުރްއާން ހިތުދަސްކުރުމުގެ މި މަސައްކަތަށް އިތުރު ހިތްވަރެއް ލިބިގެންދިޔައީ ކ. ގުރައިދޫގައި ހިންގަމުންގެންދާ "ހާރޫން ޤުރްއާން ކުލާސް"ގެ މަސްއޫލުވެރިޔާ ޢަބްދުއްރަޝީދު ހާރޫނުގެ އެހީތެރިކަމާއެކުގައެވެ. އެގޮތުން، ޢަބްދުއްރަޝީދު ހާރޫނުގެ އެހީތެރިކަމާއެކު 22 ފޮތް ހިތުދަސްކުރިއެވެ.
މުޞްޢަބާއެކުގައި، މުޞްޢަބުގެ ޢާއިލާގެ ދިރިއުޅުން މާލެއަށް ބަދަލުވުމަށްފަހު، "ޢިލްމު އިންސްޓިޓިއުޓް ފޮރ އިސްލާމިކް ސްޓަޑީޒް"ގެ ޙިފްޡު ކުލާހުގައި މުޞްޢަބް ބައިވެރިވެ، ކީރިތި ޤުރްއާން އެއްކޮށް ހިތުދަސްކޮށް ނިންމިއެވެ. 2023ވަނަ އަހަރު ކީރިތި ޤުރްއާނާބެހޭ ޤައުމީ މަރުކަޒުގެ މުރާޖަޢާ ކުލާހުގައި ބައިވެރިވެ، މުރާޖަޢާކޮށް ނިންމައި، ޙިފްޡު ކޮމިޓީއަށް ކިޔައިދިނުމަކީ، މުޞްޢަބާއި، ޢާއިލާއިން ކުރަމުންދިޔަ ފޮނި އުންމީދާއި، މާތް މަޤްޞަދު ހާސިލުވި ކަމެކެވެ. އަދި އެއީ، މުޞްޢަބުގެ އުފަން ރަށަށް ލިބުނު ފަޚުރެއްވެސް މެއެވެ.
ކީރިތި ޤުރްއާން ހިތުދަސްކުރުމަށް މުޞްޢަބް ކުރި މަސައްކަތުގައި އެހީތެރިވި ހުރިހާ އުސްތާޛުންނާއި، މުއައްސަސާތަކުގެ ޚިދުމަތް، މުޞްޢަބް ޝުކުރުވެރިކަމާއެކުގައި ފާހަގަކުރެއެވެ. މުޞްޢަބުގެ މި ހުވަފެން ޙަޤީޤަތަކަށްވެފައި ވަނީ މުޞްޢަބުގެ މަންމައާއި ބައްޕަގެ އަގުހުރި އިރުޝާދާއި ދެއްވި ހިތްވަރުންނެވެ.
މުޞްޢަބް ބިން ފައިޞަލް، 1ވަނަ ދަރަޖައިގައި ފާސްވެ، ޙާފިޡް ކަމުގެ ސަނަދު ހާސިލުކުރީ، 22 ސެޕްޓެންބަރު 2024 ގައެވެ.