އަލްފާޟިލް މުޙައްމަދު ނިޒާރު
މުޙައްމަދު ނިޒާރު، ދިވެހި ދައުލަތަށް ޚިދުމަތް ކުރައްވަން ފެށްޓެވީ، 16 ނޮވެންބަރު 1986 ގައި، ސިވިލްއޭވިއޭޝަން އޮތޯރިޓީގެ ފިއުލިންގ އޮފިސަރ (ޓްރޭނީ) އެއްގެ މަގާމުންނެވެ. އޭގެފަހުން، މޯލްޑިވްސް އެއަރޕޯޓްސް އޮތޯރިޓީގެ ފިއުލިންގ އޮފިސަރ ގްރޭޑް 2ގެ މަގާމާއި، ފިއުލިންގ އޮފިސަރ ގްރޭޑް 3ގެ މަގާމާއި، މޯލްޑިވްސް އެއަރޕޯޓްސް ކޮމްޕެނީ ލިމިޓެޑްގެ ފިއުލިންގ އޮފިސަރ ގްރޭޑް 3ގެ މަގާމާއި، ސީނިއަރ ފިއުލިންގ އޮފިސަރ ގްރޭޑް 1ގެ މަގާމާއި، އެސޯސިއޭޓް އެގްޒެކެޓިވްގެ މަގާމާއި، ސީނިއަރ އޮފިސަރުގެ މަގާމު އަދާކުރައްވައިފައި ވެއެވެ. މުޙައްމަދު ނިޒާރު
މިހާރު ހުންނެވީ، އެގްޒެކެޓިވްގެ މަގާމުގައެވެ.
މުޙައްމަދު ނިޒާރަކީ، ފުލައިޓުތަކަށް ތެޔޮއެޅުމާ ބެހޭ އެންމެހައި ކަންކަން ވަރަށް ފަރުވާތެރިކަމާ އެކުގައި ބަލަހައްޓަވަމުން ގެންދަވާ ބޭފުޅެކެވެ. އަދި، އެއަރޕޯޓުގެ ކުރީގެ ފިއުލް ފާރމުން އަލަށް ހެދި ފިއުލް ފާރމަށް ކަންކަން ބަދަލުކުރުމުގައި، ޢަމަލީގޮތުން ބައިވެރިވެވަޑައިގެން، ފަރުވާތެރިކަމާ އެކުގައި މަސައްކަތް ކޮށްދެއްވައިފައިވާ ބޭފުޅެއްވެސް މެއެވެ.
މުޙައްމަދު ނިޒާރު ފާހަގަކުރެވެނީ، ކުންފުނިން ހިންގާ ހުރިހާ މަސައްކަތެއްގައިވެސް ޢަމަލީގޮތުން ބައިވެރިވެވަޑައިގެން، އެއްބާރުލުން ދެއްވަމުން ގެންދަވާ ބޭފުޅެއްގެ ގޮތުގައެވެ. މިގޮތުން، ފިއުލް ސަރވިސަސް އިން ބާއްވަވާ އެކިއެކި ހަރަކާތްތަކުގައިވެސް ބައިވެރިވެވަޑައިގެން، ފުރިހަމައަށް އެއްބާރުލުން ދެއްވަމުން ގެންދަވާކަން ފާހަގަކޮށްލަން ޖެހެއެވެ.
ރީޖަނަލް އެއަރޕޯޓުތައް، މޯލްޑިވްސް އެއަރޕޯޓްސް ކޮމްޕެނީގެ ދަށުން ބަލަހައްޓަމުން ގެންދިޔަ ދުވަސްވަރު، މުޙައްމަދު ނިޒާރަކީ، ހަނިމާދޫ އެއަރޕޯޓުގައިވެސް އިޚުލާޞްތެރި ޚިދުމަތްތަކެއް ކޮށްދެއްވި ބޭފުޅެކެވެ.
މުޙައްމަދު ނިޒާރު، ދިވެހި ދައުލަތަށް ޚިދުމަތް ކުރައްވަމުން ގެންދަވާތާ 37 އަހަރަށްވުރެ ދިގު މުއްދަތެއް ވެއްޖެއެވެ.