އަލްޙާފިޡާ ޢާއިޝަތު އާން ރަޝީދު
މ. ޝޭޑީރީޖަން
ކީރިތި ޤުރްއާން ހިތުދަސްކުރެއްވުމުގެ ޝައުޤުވެރިކަން ވަރަށް ޅަފަތުއްސުރެ އުފެދިފައި ވެއެވެ. އޭރު ޤުރްއާން ކިޔަވައި ވިދާޅުވަމުން ގެންދެވީ، އައްޑުއަތޮޅު ހިތަދޫގައި ހިންގާ އައި.އާރު. ޤުރްއާން ކުލާހުގައެވެ. ކީރިތި ޤުރްއާން ހިތުދަސްކުރެއްވީ، ދުވާލަކު ޞަފްޙާއެއް ދަސްކުރައްވަމުންނެވެ. ސްކޫލަށް ވަޑައިގެން ކިޔެވުން ނިންމެވުމަށްފަހު، ލިބިވަޑައިގަންނަވާ ގިނަ ހުސްވަގުތުތައް ހޭދަކުރެއްވީ، ކީރިތި ޤުރްއާން ހިތުދަސްކުރެއްވުމުގައެވެ. 2022 ވަނަ އަހަރު މާލެއަށް ބަދަލުވެވަޑައިގެން، ކީރިތި ޤުރްއާނާބެހޭ ޤައުމީ މަރުކަޒުގެ ޙިފްޡު ކުލާހުގައި ބައިވެރިވެވަޑައިގަތެވެ. އިމްތިޙާނު ނިންމަވައި، ޙާފިޡް ކަމުގެ ސަނަދު ހާސިލުކުރެއްވީ 1 މޭ 2023 ގައެވެ.
