އަލްޙާފިޡާ ފާޠިމަތު ފައުޒިއްޔާ
އާވެލި ސ. ހިތަދޫ
ކީރިތި ޤުރްއާން ހިތުދަސް ކުރައްވަން ފެށްޓެވީ، ޤުރްއާން ހިތުދަސްކުރުމަކީ، ކިހާ މަތިވެރި ކަމެއްކަން އެނގިވަޑައިގެންނެވި ހިސާބުންނެވެ. އެގޮތުން، 2018 ވަނަ އަހަރު ދިވެހިރާއްޖޭގެ އިސްލާމީ ޔުނިވަރސިޓީން ހިންގި އެޑްވާންސްޑް ސެޓްފިކެޓް އިން ޤުރްއާން މެމޮރައިޒޭޝަން ކޯހުގައި ބައިވެރިވެވަޑައިގެން، ޤުރްއާން ހިތުދަސްކުރައްވައި ނިންމެވިއެވެ. ޤުރްއާން ހިތުދަސްކުރެއްވިއިރު، އެންމެ ބޮޑަށް ބެއްލެވީ، ވީހާވެސް ގިނަ ވަގުތު މިކަމަށް ހޭދަކުރެއްވުމަށެވެ. އަދި އެހެން މަސައްކަތްތަކުގައި އުޅުއްވާ ވަގުތު ޤުރްއާން އަޑުއައްސަވައި، ފިލިތަކާއި އަކުރުތައް އޮޅުވައިނުލައި، އެއްވެސް ކުށެއްނުލައި ދަސްކުރެއްވުމަށް ވަރަށްބޮޑު އިސްކަމެއް ދެއްވިއެވެ. ޙާފިޡު ކަމުގެ ސަނަދު ހާސިލުކުރެއްވީ 24 އޮކްޓޫބަރު 2021 ގައެވެ.
