ރައީސުލްޖުމްހޫރިއްޔާ، ޤައުމީ އިދާރާގެ ތިން ސަރަޙައްދެއްގެ މިނިސްޓަރ އޮފް ސްޓޭޓް ކަމަށް ތިން ބޭފުޅަކު ޢައްޔަން ކުރައްވައިފިއެވެ. މިގޮތުން ޢައްޔަން ކުރެއްވި ތިންބޭފުޅުންނަކީ، މިނިސްޓަރ އޮފް ސްޓޭޓް، މަތިއުތުރު ސަރަޙައްދުގެ ޤައުމީ އިދާރާ ކަމަށް މާލެ ވިލިނގިލި ރަންދި މުޙަންމަދު ޙުނައިފާއި، މިނިސްޓަރ އޮފް ސްޓޭޓް، މެދުއުތުރު ސަރަޙައްދުގެ ޤައުމީ އިދާރާ ކަމަށް ގަލޮޅު ހިލިހިލާގޭ ޙުސައިން އިރުފާން ޒަކީ އާއި، މިނިސްޓަރ އޮފް ސްޓޭޓް، މެދުދެކުނު ސަރަޙައްދުގެ ޤައުމީ އިދާރާ ކަމަށް މާފަންނު ސީވޯލް އަޙްމަދު މުޖުތަބާ އެވެ.
