ނައިބު ރައީސް ޑޮކްޓަރ މުޙަންމަދު ވަޙީދު، ފުވައްމުލަކަށް ކުރައްވާ ދަތުރުފުޅެއް މިއަދު ހެނދުނު ފަށްޓަވައިފިއެވެ.
ނައިބު ރައީސްގެ މި ދަތުރުފުޅުގައި، ފުވައްމުލަކުގައި ސަރުކާރުން ހިންގަވަމުން ގެންދަވާ ތަރައްޤީގެ މަޝްރޫޢުތަކުގެ މަސައްކަތްތައް ހިނގަމުންދާގޮތް ބައްލަވާލައްވާނެއެވެ. އަދި ފުވައްމުލަކުގެ ސްކޫލްތަކަށް ޒިޔާރަތް ކުރައްވައި، ސްކޫލްތަކުގެ ބޯޑުތަކާ ބައްދަލުކުރައްވާނެއެވެ. މީގެއިތުރުން، މަސްތުވާތަކެއްޗާ ދެކޮޅަށް މަސައްކަތްކުރާ އަމިއްލަ ޖަމްޢިއްޔާތަކާވެސް އެމަނިކުފާނު ބައްދަލުކުރައްވާނެއެވެ.