މިއަދަކީ ސިފައިންގެ 118ވަނަ އަހަރީ ދުވަސް ކަމަށްވުމާއެކު، މިއަދުގެ މުނާސަބަތުގައި ރައީސުލްޖުމްހޫރިއްޔާގެ ނައިބު ޑޮކްޓަރ މުޙަންމަދު ވަޙީދު، ރާއްޖޭގެ ހުރިހާ ސިފައިންނަށް ތަހުނިޔާ ވިދާޅުވެއްޖެއެވެ.
ރާއްޖޭގެ ދިފާޢުގަޔާއި، ރާއްޖޭގެ މިނިވަންކަމާއި ސިޔާދަތު ރައްކާތެރި ކުރުމުގެ މުހިންމު މަސްއޫލިއްޔަތު އަދާކުރުމުގަޔާއި، ރާއްޖޭގެ އަމަންއަމާންކަން ދަމަހައްޓައި، ޞުލްޙަ މަޞްލަޙަތު ރައްކާތެރިކުރުމުގަޔާއި، އަދި ޤާނޫނު ރައްކާތެރިކުރުމުގަޔާއި، ރާއްޖޭގެ ރައްޔިތުންނަށް ދިމާވާ ކޮންމެ ބޮޑު ކަމެއްގައި، ރައްޔިތުންނަށް ސަލާމަތްކަމާއި ހިމާޔަތް ލިބިދިނުމުގައި، އެންމެ ކުރީ ސަފުގައި ދިވެހި ސިފައިން ކުރާ މުހިންމު މަސައްކަތްތައް ވަރަށް އުފަލާއެކު ރައީސުލްޖުމްހޫރިއްޔާގެ ނައިބު ފާހަގަކުރައްވައެވެ.
