މޯލްޑިވްސް އެސޯސިއޭޝަން އޮފް ސަރޖަންސްއާއި، ސިންގަޕޫރާއި މެލޭޝިއާގެ ފަންނީ ބޭފުޅުން ގުޅިގެން މާލޭގައި ހިންގުމަށް ހަމަޖެހިފައިވާ '"ވޫންޑް ކެއަރ މެނޭޖްމަންޓް ވަރކްޝޮޕް" ރައީސުލްޖުމްހޫރިއްޔާގެ އަނބިކަނބަލުން އަލްފާޟިލާ ފާޠިމަތު އިބްރާހީމް އިފްތިތާޙުކޮށްދެއްވައިފިއެވެ. މިވަރކްޝޮޕް އިފްތިތާޙުކޮށްދެއްވުމުގެ ރަސްމިއްޔާތު އޮތީ މިއަދު ހެނދުނު ހޮޓެލް ޖެންގައެވެ.
މިމަހުގެ 23- 25 އަށް ހިންގުމަށް ހަމަޖެހިފައިވާ މި ވަރކްޝޮޕްގައި ރީޖަނަލް ހޮސްޕިޓަލްތަކާއި، އައި.ޖީ.އެމް.އެޗްއާއި، އޭ.ޑީ.ކޭ އާއި، މެޑިކާ ހޮސްޕިޓަލްއާއި، ސެނެހިޔާގެ އިތުރުން، ހުޅުމާލެއާއި ވިލިމާލޭ ހޮސްޕިޓަލުގެ ކަމާބެހޭ ފަންނީ ބޭފުޅުން ބައިވެރިވަޑައިގަންނަވައެވެ.
މި ވަރކްޝޮޕް ސްޕޮންސަރ ކޮށްދެއްވާފައިވަނީ މެޑިކުއިޕް މޯލްޑިވްސް ޕްރައިވެޓް ލިމިޓެޑްގެ ފަރާތުންނެވެ.
