ރާއްޖޭގައި ކިޔަވައިދޭ މުދައްރިސުންގެ ފެންވަރު މަތިކުރުމަށާއި، ތަމްރީނު ކުރުމަށް ސަރުކާރުން ހިންގުމަށް ރާއްވަވާފައިވާ ""ތަހުޒީބު މުޖުތަމަޢަކަށް ޤާބިލް ޓީޗަރުން ބިނާކުރުން" ޕްރޮގްރާމް، ރައީސުލްޖުމްހޫރިއްޔާގެ އަނބިކަނބަލުން އަލްފާޟިލާ ފާޠިމަތު އިބްރާހީމް އިފްތިތާޙުކޮށްދެއްވައިފިއެވެ. މި ޕްރޮގްރާމް އިފްތިތާޙްކޮށްދެއްވީ، އެކަމަށްޓަކައި އަލިމަސް ކާނިވަލުގައި ރޭ ބޭއްވެވި ރަސްމިއްޔާތެއްގައެވެ.
މިރަސްމިއްޔާތުގައި، ރާއްޖޭގެ ކިޔަވާ ކުދިންގެ ދުޅަހެޔޮކަމާ ކުރިއެރުވުމަށް ރައީސުލްޖުމްހޫރިއްޔާގެ އަނބިކަބަލުން ކުރައްވަމުން ގެންދަވާ މަސައްކަތްޕުޅުތަކުގެ އަގުވަޒަންކޮށް، "މުދައްރިސުންކަމުގެ ޝަރަފުގެ އައްޑަނަ' ގެ ނަމުގައި އެކަމަނާއަށް ހަނދާނީ ފިލައެއް އެރުއްވުން އޮތެވެ. މިފިލާ އެކަމަނާއާއި ޙަވާލުކޮށްދެއްވީ، މިނިސްޓަރ އޮފް އެޑިއުކޭޝަން ޑރ. އައިޝަތު ޝިހާމެވެ.
