ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމާއި އެމަނިކުފާނުގެ އަނބިކަނބަލުން އަލްފާޟިލާ ފާޠިމަތު އިބްރާހީމް، މާޅޮސްމަޑުލު އުތުރުބުރީ އުނގޫފާރަށް މިއަދު ހަވީރު ވަޑައިގެންފިއެވެ.
ރައީސުލްޖުމްހޫރިއްޔާގެ މިދަތުރުފުޅުގައި، އުނގޫފާރު ރީޖަނަލް ހޮސްޕިޓަލުގެ އާ ޢިމާރާތް ހުޅުއްވައިދެއްވުމަށް ވަނީ ހަމަޖެހިފައެވެ. މިރޭ 8:30 ގައި، އުނގޫފާރުގައި އޮންނަ މި ރަސްމިއްޔާތުގައި ރައީސް ޔާމީން ވާހަކަފުޅު ދައްކަވާނެ އެވެ.
ރައީސުލްޖުމްހޫރިއްޔާގެ ދެކަނބަލުން އުނގޫފާރަށް ވަޑައިގަތުމާއެކު، އެރަށު ރައްޔިތުން ވަނީ ވަރަށް ހޫނު މަރުޚަބާއެއް ދަންނަވާފައެވެ.
