ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ހައްދުންމަތީ ބޮޑުމަގުގެ މަޝްރޫޢު މިރޭ އިފްތިތާޙްކޮށްދެއްވާނެއެވެ. މިރޭ 20:45 ގައި، ލ.ފޮނަދޫގައި އޮންނަ މިރަސްމިއްޔާތުގައި ރައީސުލްޖުމްހޫރިއްޔާ ވާހަކަފުޅު ދައްކަވާގޮތަށް ވަނީ ހަމަޖެހިފައެވެ.
މިރަސްމިއްޔާތުގައި ބައިވެރިވެވަޑައިގަތުމަށް ހައްދުންމައްޗަށް ކުރައްވާ ދަތުރުފުޅުގައި، ރައީސުލްޖުމްހޫރިއްޔާގެ ދެކަނބަލުން މިއަދު ހަވީރު ކައްދޫ ވައިގެ ބަނދަރަށް ފައިބާވަޑައިގަތުމާއެކު، އެއަރޕޯޓް ސަރަޙައްދުން ވަނީ ވަރަށް ހޫނު މަރުޚަބާއެއް ދަންނަވާފައެވެ.
