ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް "ޕްރެޒިޑެންޓްސް ކަޕް 2014"ގެ ފައިނަލް މެޗް ޝަރަފުވެރިކޮށްދެއްވައިފިއެވެ. އާދީއްތަ ދުވަހުގެރޭ ރަސްމީ ދަނޑުގައި އޮތް މިމެޗްގައި މުބާރާތުގެ ޗެމްޕިޔަންކަން ނިއުރޭޑިއަންޓް ސްޕޯޓްސް ކްލަބް ހޯދާފައިވަނީ، ކްލަބް އީގަލްސް އާ ބައްދަލުކޮށް 1 ލަނޑު 0 ލަނޑުން މެޗް ކާމިޔާބުކޮށްގެންނެވެ.
މުބާރާތުގެ ޗެމްޕިޔަންކަން ހޯދި ނިއުރޭޑިއަންޓް ސްޕޯޓްސް ކްލަބަށް ރަން މެޑެލާއި ތަށްޓާއި، މުބާރާތުގެ ދެވަނަ ހޯދި އީގަލްސް ސްޕޯޓްސް ކުލަބަށް ރިހި މެޑެއްޔާއި، މެޗުގެ އޮފިޝަލުންނަށް މެޑެލް ހަވާލުކޮށްދެއްވީ ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމެވެ.
