މިމަހުގެ 3 އިން 7 އަށް އަދާރަން ހުދުރަންފުށި ރިޒޯޓުގައި ކުރިއަށްދިޔަ، "މޯލްޑިވްސް އޯޕަން 2014" ރާޅާއެޅުމުގެ މުބާރާތް ނިންމުމުގެ ރަސްމިއްޔާތުގައި ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމު ބައިވެރިވެވަޑައިގެންފިއެވެ. މިއަދު ހަވީރު އަދާރަން ހުދުރަންފުށީގައި ބޭއްވެވި ނިންމުމުގެ ރަސްމިޔާތުގައި ''މެންސް އޯޕަން" ކެޓަގަރީއިން ވަނަތަކަށް ދިޔަ ފަރާތްތަކަށް އިނާމު ޙަވާލުކޮށްދެއްވީ ރައީސުލްޖުމްހޫރިއްޔާއެވެ.
މުބާރާތުގެ "މެންސް ބޮޑީބޯރޑިންގ" ކެޓަގަރީއިން ވަނަވަނައަށް ދިޔަ ފަރާތްތަކަށް އިނާމު ޙަވާލުކޮށްދެއްވީ މިނިސްޓަރ އޮފް ޓޫރިޒަމް އަލްފާޟިލް އަޙްމަދު އަދީބު ޢަބްދުލްޣަފޫރެވެ. އަދި "ވިމެންސް ޝޯޓްބޯރޑިންގ" ކެޓަގަރީއިން ވަނަވަނައަށް އައި ފަރާތްތަކަށް އިނާމު ޙަވާލުކޮށްދެއްވީ މިނިސްޓަރ އޮފް ޔޫތު އެންޑް ސްޕޯޓްސް އަލްފާޟިލް މުޙަންމަދު މަލީޙު ޖަމާލެވެ.
