ޕޮލިސް އިންޓެގްރިޓީ ކޮމިޝަނުން ހުސްވެފައިވާ މެންބަރުކަމަށް ޢައްޔަނު ކުރެއްވުމަށްޓަކައި، ޤާނޫނު ނަންބަރު 5/2008 (ފުލުހުންގެ ޤާނޫނު) ގެ 22 ވަނަ މާއްދާގެ (ރ) ގައިވާ ގޮތުގެމަތިން، ޢާންމުކޮށް އިޢުލާނު ކުރެއްވުމުން، އެކަމަށް އިޖާބަ ދެއްވި ބޭފުޅުންގެ ތެރެއިން ރައީސުލްޖުމްހޫރިއްޔާއަށް ފެނިވަޑައިގަންނަވާ ދެ ބޭފުޅުންގެ ނަންފުޅު، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ރައްޔިތުންގެ މަޖިލީހަށް މިއަދު ހުށަހަޅުއްވައިފިއެވެ.
މިގޮތުން ހުށަހެޅުއްވި ދެ ބޭފުޅުންގެ ނަންފުޅު ތިރީގައި މިދަންނަވަނީއެވެ.
1. އަލްފާޟިލް އާދަމް ސަޢީދު މޫސާ ދަފްތަރު. ނަންބަރު ދރ. 5831
2. އަލްއުސްތާޛާ ފާޠިމަތު މިންޙަތު ޢިއްޒަތު ގ. ގޮފި