ޕޮލިސް އިންޓެގްރިޓީ ކޮމިޝަންގައި މިހާރު ހިމެނޭ 3 މެންބަރެއްގެ މަޤާމުގެ މުއްދަތު، 26 ޖުލައި 2014 ގެ ނިޔަލަށް ހަމަވާތީ، އެ ކޮމިޝަނަށް 3 މެންބަރުން ޢައްޔަނު ކުރެއްވުމަށްޓަކައި، ޤާނޫނު ނަންބަރު 5/2008 (ފުލުހުންގެ ޤާނޫނު) ގެ 22 ވަނަ މާއްދާގެ (ރ) ގައިވާ ގޮތުގެމަތިން، ޢާންމުކޮށް އިޢުލާނު ކުރެއްވުމުން، އެކަމަށް އިޖާބަ ދެއްވި ބޭފުޅުންގެ ތެރެއިން ރައީސުލްޖުމްހޫރިއްޔާއަށް ފެނިވަޑައިގަންނަވާ ތިންބޭފުޅުންގެ ނަންފުޅު، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ރައްޔިތުންގެ މަޖިލީހަށް މިއަދު ހުށަހަޅުއްވައިފިއެވެ.
މިގޮތުން ހުށަހެޅުއްވި 3 ބޭފުޅުންގެ ނަންފުޅު ތިރީގައި މިދަންނަވަނީއެވެ.
1. އަލްއުސްތާޛް ޢަލީ ނަދީމު ހ. ގްލޯރިއޯސާ
2. އަލްފާޟިލާ ފާޠިމަތު ސަރީރާ ޢަލީ ޝަރީފު ދަފްތަރު. ނަންބަރު ދރ. 1320
3. އަލްފާޟިލް މުޙައްމަދު ފަރުހާދު ހަސަންކާރިގެ / ސ.މީދޫ
މި މަޤާމަށް ކުރިމަތިލެއްވުމަށް އިޢުލާނު ކުރެއްވުމުން، އެކަމަށް އިޖާބަ ދެއްވާފައިވަނީ 31 ބޭފުޅުންނެވެ.