ރައީސުލްޖުމްހޫރިއްޔާގެ ނައިބު ޑޮކްޓަރ މުޙަންމަދު ޖަމީލު އަޙްމަދު، އިންދިރާ ގާނދީ މެމޯރިއަލް ހޮސްޕިޓަލަށް މިއަދު ހެނދުނު ޒިޔާރަތް ކުރައްވައި، އެ ހޮސްޕިޓަލްގެ މަސައްކަތްތައް ހިނގަމުންދާ ގޮތް ބައްލަވާލައްވައިފިއެވެ.
ރައީސުލްޖުމްހޫރިއްޔާގެ ނައިބުގެ މި ޒިޔާރަތުގައި، މަރާމާތުގެ މަސައްކަތްތައް ހިނގަމުންދާ ތަންތަނަށާއި، އެ ހޮސްޕިޓަލުގެ ޑައިގްނޯސްޓިކް ސެންޓަރަށް އަލަށް އިތުރު ކުރެވޭ ބައިގެ މަސައްކަތް ހިނގަމުންދާ ސަރަޙައްދަށް ވަޑައިގެން، މަސައްކަތް ކުރިއަށްދާ ގޮތާބެހޭ މަޢުލޫމާތު އޮޅުން ފިލުއްވިއެވެ. އަދި އައި.ޖީ.އެމް.އެޗް އިތުރަށް ހަރުދަނާ ކުރުމަށް އެޅެންހުރި ފިޔަވަޅުތަކާ ބެހޭގޮތުންވެސް އެ ހޮސްޕިޓަލުގެ އިސްވެރިންނާ މަޝްވަރާ ކުރެއްވިއެވެ.
