ރާއްޖޭގެ ތަޢުލީމީ ދާއިރާގައި ދިމާވެފައިވާ މައްސަލަތައް ޙައްލުކުރެއްވުމަށް މަސައްކަތް ކުރައްވަމުން ގެންދަވާ ބައެއް ބޭފުޅުންނާ ރައީސުލްޖުމްހޫރިއްޔާގެ ނައިބު ޑޮކްޓަރ މުޙަންމަދު ޖަމީލް އަޙްމަދު ބައްދަލުކުރައްވައިފިއެވެ.
މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައި ބޭއްވެވި މިބައްދަލުކުރެއްވުމުގައި، ރާއްޖޭގެ ތަޢުލީމީ ދާއިރާއަށް ކުރިމަތިވެފައިވާ ގޮންޖެހުންތަކާ ގުޅޭގޮތުން މިބޭފުޅުން ރައީސުލްޖުމްހޫރިއްޔާގެ ނައިބާ މަޝްވަރާ ކުރެއްވިއެވެ. އަދި ތަޢުލީމީ ދާއިރާގެ ސިޔާސަތުތައް ތަންފީޒު ކުރެއްވުމާ ގުޅޭގޮތުން އެބޭފުޅުންގެ ޚިޔާލުފުޅު، ރައީސުލްޖުމްހޫރިއްޔާގެ ނައިބު ހޯއްދެވިއެވެ.
