ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އިނގިރޭސިވިލާތައް ކުރައްވާ ދަތުރުފުޅުގައި ޔުނިވަރސިޓީ އޮފް ލީޑްސް އަށް ޒިޔާރަތްކުރައްވައި، ދިވެހިރާއްޖެ އާއި އެ ޔުނިވަރސިޓީ އިން އެކުގައި ކުރެވިދާނެ މަސައްކަތްތަކާ މެދު މަޝްވަރާކުރައްވައިފިއެވެ.
ލީޑްސް ޔުނިވަރސިޓީއަށް ވަޑައިގަތުމުން އެމަނިކުފާނަށް މަރުޙަބާ ވިދާޅުވީ، އެމް.ޕީ އެލެކްސް ސޯބެލް އާއި އެ ޔުނިވަރސިޓީގެ ޕްރޮވެސްޓް އަދި ޑެޕިއުޓީ ވައިސް ޗާންސެލަރ ޕްރޮފެސަރ ހައި-ސުއި ޔޫ އެވެ.
ރައީސުލްޖުމްހޫރިއްޔާ އަކީ ސިވިލް އެންޖިނިއަރިންގެ ދާއިރާއިން 2009 ވަނަ އަހަރު އެ ޔުނިވަރސިޓީ އިން ޕީ.އެޗް.ޑީ ހާސިލުކުރެއްވި، ލީޑްސް ޔުނިވަރސިޓީގެ އިސް ދަރިވަރެކެވެ.
1904 ވަނަ އަހަރު ޤާއިމުކުރި ޔުނިވަރސިޓީ އޮފް ލީޑްސް އަކީ، އިނގިރޭސިވިލާތައި މަތީ ތަޢުލީމު ފޯރުކޮށްދޭ އެންމެ ރަނގަޅު މަރުކަޒުތަކުގެ ތެރޭގައި ގުނާލެވޭ މަރުކަޒެކެވެ.
