މާދަމާ ރައީސުލްޖުމްހޫރިއްޔާ ދެއްވާ ރޭޑިޔޯ ޚިޠާބުގައި، އެމަނިކުފާނު ދެކުނު ކޮރެޔާއަށް މިހާރު ކުރައްވަމުން ގެންދަވާ ދަތުރުފުޅުގެ މައްޗަށް ބައްލަވައިލައްވާނެއެވެ. މީގެއިތުރުން، ދިވެހި ސިފައިންގެ 118 ވަނަ އަހަރީ ދުވަސް ފާހަގަކުރުމުގެ އިޙްތިފާލުތައް މިހާރު ހިނގަމުންދާތީ، ސިފައިންގެ މުހިންމުގެ ކަމާއި، ސިފައިންގެ ޚިދްމަތުގެ މައްޗަށްވެސް ބައްލަވައިލައްވާނެއެވެ. އަދި ލާމަރްކަޒީ އުޞޫލުން އަތޮޅުތައް ހިންގުމުގެ ބިލާމެދު ރައީސުލްޖުމްހޫރިއްޔާގެ ޚިޔާލުފުޅު ހުރިގޮތްވެސް، އެމަނިކުފާނު މާދަމާގެ ރޭޑިޔޯ ޚިޠާބުގައި ހާމަކުރައްވާނެއެވެ.
ރައީސުލްޖުމްހޫރިއްޔާގެ ރޭޑިޔޯ ޚިޠާބު، ދިވެހިރާއްޖޭގެ އަޑުން ފޮނުއްވާނީ، މާދަމާ ހެނދުނު 10 ޖަހާއިރުއެވެ.
