ރައީސުލްޖުމްހޫރިއްޔާ މުޙަންމަދު ނަޝީދާއި، އެމަނިކުފާނުގެ އަނބިކަނބަލުން ލައިލާ ޢަލީ، ދެކުނު ކޮރެޔާގެ ސޯލްއަށް މިއަދު މެންދުރު ވަޑައިގެންފިއެވެ.
ރައީސުލްޖުމްހޫރިއްޔާގެ މިދަތުރުފުޅަކީ، ޔުނެޕުން އިންތިޒާމު ކުރައްވައިގެން ބާއްވާ ތިމާވެށްޓާބެހޭ ސަމިޓެއްގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ. މިސަމިޓްގައި މާދަމާ، ރައީސުލްޖުމްހޫރިއްޔާ ތަޤްރީރުކުރައްވާގޮތަށް ވަނީ ހަމަޖެހިފައެވެ.
