މޯލްޑިވްސް ވޮލަންޓިއަރ ކޯގެ ޗީފް އެގްޒެކެޓިވްގެ މަގާމަށް ރައީސުލްޖުމްހޫރިއްޔާ ބޭފުޅަކު ޢައްޔަން ކުރައްވައިފިއެވެ. މިމަގާމަށް ޢައްޔަން ކުރެއްވީ ގަލޮޅު ހުދުރުވާގޭ މަރިޔަމް ސީނާއެވެ. މަރިޔަމް ސީނާ މިމަގާމަށް ޢައްޔަން ކުރައްވާފައިވަނީ މިނިސްޓަރުގެ ނައިބު ފެންވަރުގައެވެ.
މީގެއިތުރުން، މާލޭ މުނިސިޕަލްޓީގެ ކައުންސިލަރގެ މަގާމަށް ހުވަދުއަތޮޅު ދެކުނުބުރީ ތިނަދޫ ހާޖަރާގޭ އަޙްމަދު ލުޠުފީ ޢައްޔަން ކުރައްވައިފިއެވެ. އަދި ހައްދުންމަތީ ގަމު މަތިމަރަދޫ ކައުންސިލަރގެ މަގާމަށް މަތިމަރަދޫ އަވަށު ސިލެޓް ޢަބްދުﷲ ޤާސިމާއި، ހައްދުންމަތީ ފޮނަދޫ ކައުންސިލަރގެ މަގާމަށް މާފަންނު ފަންނުވެލި ނާޝިދު ޢަބްދުﷲ، ރައީސުލްޖުމްހޫރިއްޔާ ޢައްޔަން ކުރެއްވިއެވެ.
