ރައީސުލްޖުމްހޫރިއްޔާ މުޙަންމަދު ނަޝީދު، ލާމަރުކަޒީ އުސޫލާބެހޭގޮތުން ފިންލެންޑުގެ މިނިސްޓަރ އޮފް ޕަބްލިކް އެޑްމިނިސްޓްރޭޝަން އެންޑް ލޯކަލް ގަވަރންމަންޓް، މިސް މޭރީ ކިވިނިއެމީއާ މަޝްވަރާކުރައްވައިފިއެވެ.
އިއްޔެ މެންދުރު ބޭއްވެވި މި ބައްދަލުކުރެއްވުމުގައި، ފިންލެންޑުގައި އޮންނަ ލާމަރުކަޒީ ނިޒާމާބެހޭގޮތުން މިނިސްޓަރ ރައީސުލްޖުމްހޫރިއްޔާއަށް މަޢުލޫމާތު ދެއްވިއެވެ.
ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ރާއްޖޭގައިވެސް ލާ މަރުކަޒީ ނިޒާމެއް ޤާއިމުކުރުމުގެ މަސައްކަތްތައް ހިނގަމުންދާ ކަމަށާއި، ރާއްޖޭގެ ލާ މަރުކަޒީ ޕްރޮގްރާމަށް ފިންލެންޑުގެ ފަންނީ އެހީ ބޭނުންފުޅުވާ ކަމުގައި ވިދާޅުވިއެވެ.
