ރައީސުލްޖުމްހޫރިއްޔާ މުޙަންމަދު ނަޝީދު، ހުވަދުއަތޮޅު ދެކުނުބުރީ ތިނަދޫގެ ދަނޑުވެރިކަމާއި މަސްވެރިކަމުގެ މަސައްކަތުގައި އުޅުއްވާ ފަރާތްތަކާ ރޭ ބައްދަލުކުރައްވައިފިއެވެ.
ދަނޑުވެރިކަމާބެހޭ ސެމިނާރެއްގެ ގޮތުގައި ބޭއްވެވި މިބައްދަލުކުރެއްވުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ރާއްޖޭގެ މަސްވެރިކަމުގެ ޙާލަތު، ޚާއްޞަކޮށް، ކަންނެލީގެ މަސްވެރިކަމުގެ ޙާލަތު އޮތްގޮތުގެ މައްޗަށް ބައްލަވާލެއްވިއެވެ. އަދި ރާއްޖޭގެ ދަނޑުވެރިކަން ތަރައްޤީ ކުރެއްވުމަށް ސަރުކާރުން ކުރައްވަމުން ގެންދަވާ މަސައްކަތްތަކާ ބެހޭގޮތުންވެސް ރައީސުލްޖުމްހޫރިއްޔާ ވާހަކަފުޅު ދެއްކެވިއެވެ.
މިކަމާ ގުޅިގެން ސެމިނާރުގެ ބައިވެރިން ކުރެއްވި ސުވާލުތަކަށް ރައީސުލްޖުމްހޫރިއްޔާއާއި މިނިސްޓަރ އޮފް ފިޝަރީޒް އެންޑް އެގްރިކަލްޗަރ ޑޮކްޓަރ އިބްރާހީމްދީދީއާއި، މިނިސްޓަރ އޮފް ސްޓޭޓް ފޮރ ފިޝަރީޒް އެންޑް އެގްރިކަލްޗަރ ޑޮކްޓަރ އާމިނަތު ޝާފިޢާ ޖަވާބު ދެއްވިއެވެ.
