ރައީސުލްޖުމްހޫރިއްޔާ މުޙަންމަދު ނަޝީދުގެ ދަޢުވަތަކަށް ރާއްޖެ ވަޑައިގެންނެވި އިންޑިޔާގެ ޤާނޫނުހަދާ މަޖިލީހުގެ މެންބަރު އޮނަރަބްލް ރާހުލް ގާންދީ ދަތުރުފުޅު ނިންމަވާލެއްވުމަށްފަހު މިއަދު މެންދުރު އިންޑިޔާއަށް ފުރާވަޑައިގެންވިއެވެ.
މާލޭ ބައިނަލްއަޤްވާމީ ވައިގެ ބަނދަރުން ރާހުލް ގާންދީއަށް އަލްވަދާޢު ވިދާޅުވީ، ނައިބު ރައީސް ޑޮކްޓަރ މުޙަންމަދު ވަޙީދާއި، ސްޕެޝަލް އެންވޯއި އޮފް ދަ ޕްރެޒިޑެންޓް އިބްރާހިމް ޙުސައިން ޒަކީއާއި، ރައީސުލްޖުމްހޫރިއްޔާގެ ޕޮލިޓިކަލް އެޑްވައިޒަރ ޙަސަން އަފީފާއި، މިނިސްޓަރ އޮފް ސްޓޭޓް ފޮރ ފޮރިން އެފެއާޒް އަޙްމަދު ނަސީމެވެ.
