ރައީސުލްޖުމްހޫރިއްޔާ މުޙަންމަދު ނަޝީދު، ތިލަދުންމަތީ އުތުރުބުރީގެ ބައެއް ރަށްރަށަށް ކުރައްވާ ދަތުރުފުޅެއް މިއަދު ހެނދުނު ފަށްޓަވައިފިއެވެ. އެމަނިކުފާނުގެ މިދަތުރުފުޅުގައި މިއަހަރުގެ މަސްވެރިންގެ ދުވަސް ފާހަގަކުރެއްވުމަށް މާދަމާރޭ އިހަވަންދޫގައި ބާއްވަވާ ޚާއްޞަ ޙަފްލާގައި ބައިވެރިވެވަޑައިގަންނަވާނެއެވެ.
ރައީސުލްޖުމްހޫރިއްޔާގެ މިދަތުރުފުޅުގައި، އެމަނިކުފާނު ޒިޔާރަތްކުރައްވާ ރަށްރަށުގެ ރައްޔިތުންނާ ބައްދަލުކުރައްވާގޮތަށް ވަނީ ހަމަޖެހިފައެވެ.
