ކުރިއަށް އޮތް ހަފްތާތަކުގެ ތެރޭގައި، އަތޮޅުތަކުގެ ތަރައްޤީގެ މަޝްރޫޢު ފެށްޓެވުމަށް ސަރުކާރުން ކުރައްވާ މަސައްކަތްތަކުގެ މައްޗަށް، މާދަމާގެ ރޭޑިއޯ ޚިޠާބުގައި ރައީސުލްޖުމްހޫރިއްޔާ މުޙަންމަދު ނަޝީދު ބައްލަވާލައްވާނެއެވެ. މާދަމާ ހެނދުނު 10.15 ގައި ދިވެހިރާއްޖޭގެ އަޑު މެދުވެރިކުރައްވައި، އެމަނިކުފާނު މިދެއްވާ ރޭޑިއޯ ޚިޠާބުގައި، 2003 ވަނަ އަހަރުގެ ސެޕްޓެމްބަރު މަހުގެ 19، 20 މިދެދުވަހު ޖަލުގައި ހިނގި ހިތާމަވެރި ޙާދިސާގެ މައްޗަށްވެސް ބައްލަވާލައްވާނެއެވެ. އަދި އެމަނިކުފާނު ނިއުޔޯކަށް ކުރެއްވުމަށް ހަމަޖެހިފައިވާ ދަތުރުފުޅާބެހޭ ތަފްޞީލުވެސް މާދަމާގެ ރޭޑިއޯ ޚިޠާބުގައި ދެއްވާނެއެވެ.