ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ޓީ.އެފް.ޖީ މެރަތަން ރަސްމީކޮށް ފަށްޓަވައިދެއްވައިފިއެވެ. އެމަނިކުފާނު މެރަތަން ފަށްޓަވައިދެއްވީ ހައްދުންމަތީގެ ބައެއް ރަށްރަށް މިހާރު ކުރައްވަމުންގެންދަވާ ދަތުރުފުޅުގައި އެ އަތޮޅު ގަމުގައި މިކަމަށްޓަކައި މިއަދު ހަވީރު ބޭއްވެވި ރަސްމިއްޔާތެއްގައެވެ.
މެރަތަން ފެށްޓެވުމުގެ ރަސްމިއްޔާތަށްފަހު ރައީސުލްޖުމްހޫރިއްޔާ ވަނީ ޒޯން ސްޓޭޑިއަމާއި ޔޫތް ސެންޓަރު ބައްލަވައިލައްވައިފައެވެ.
ރައީސުލްޖުމްހޫރިއްޔާ ހައްދުންމަތީގެ ބައެއް ރަށްރަށަށް ކުރައްވާ މި ދަތުރުފުޅުގައި ލ. ގަމުގައި ބާއްވާ ޓީ.އެފް.ޖީގެ މެރެތަން ރަސްމީކޮށް ފައްޓަވައިދެއްވައި މެރަތަންގައި ބައިވެރިވެވަޑައިގެންނެވުމުގެ އިތުރުން އެއަތޮޅުގެ ބައެއް ކައުންސިލްތަކާއި ބައްދަލުކުރެއްވުމަށްވެސް ވަނީ ހަމަޖެހިފައެވެ.