ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، އަރިއަތޮޅު އުތުރުބުރީ އުކުޅަހާއި އެއަތޮޅު ފެރިދޫއަށް މިހާރު ކުރައްވަމުން ގެންދަވާ ދަތުރުފުޅުގައި އުކުޅުހަށް ވަޑައިގެން އެރަށު ކައުންސިލް މެންބަރުންނާއި ބައްދަލުކުރައްވައި ކައުންސިލްގެ ވެބްސައިޓް އިފްތިތާޙްކޮށްދެއްވައިފިއެވެ.
މި ބައްދަލުކުރެއްވުމުގައި ރައީސުލްޖުމްހޫރިއްޔާއާއި ކައުންސިލް މެންބަރުން ވަނީ ރަށުގެ ތަރައްޤީއަށް ރާއްވަވާފައިވާ މަސައްކަތްތަކާއި ބެހޭގޮތުން ފުޅާ ދާއިރާއެއްގައި މަޝްވަރާކުރައްވައިފައެވެ.
އުކުޅަހު ކައުންސިލްގެ ވެބްސައިޓް އިފްތިތާޙްކޮށްދެއްވުމަށްފަހު، ރައީސުލްޖުމްހޫރިއްޔާ ވަނީ އުކުޅަހުގައި ގެސްޓްހައުސް ހިންގަވާ ފަރާތްތަކާއި އެރަށު ވިޔަފާރިވެރިންނާއި ބައްދަލުކުރައްވައި އަދި އުކުޅަހުގެ އެކި މުއައްސަސާތަކަށް ޒިޔާރަތްކުރައްވައިފައެވެ.
ރައީސުލްޖުމްހޫރިއްޔާއާއި ބައްދަލު ކުރައްވައި އުކުޅަހު ވިޔަފާރިވެރިން މިއަދު ކުރެއްވި މަޝަވަރާތަކުގެ ތެރޭގައި ރަށުގައި ވިޔަފާރިތައް ހިންގުމުގައި ދިމާވާ ގޮންޖެހުންތަކާއި އެކަންކަން ހައްލުކުރުމަށް ކުރެވިދާނެ ކަންކަމާއި ބެހޭ މަޝްވަރާތައް ހިމެނެއެވެ.