ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، "ޕްރެޒިޑެންޓްސް ކަޕް ރެކްރިއޭޝަނަލް ފުޓްސަލް" މުބާރާތުގެ މިރޭ ކުޅުނު ފައިނަލް މެޗް ޝަރަފުވެރިކޮށްދެއްވައިފިއެވެ.
މިރޭ މާފަންނު ޓާރފް ދަނޑުގައި ކުޅުނު މިމެޗްގައި މުބާރާތުގެ ޗެމްޕިޔަންކަން އެސް.ޓީ.އޯ ޓީމުން ހޯދާފައިވަނީ، އެމް.އޭ.ސީ.އެލް ޓީމާއި ބައްދަލުކޮށް 3 ލަނޑު 0 ލަނޑުން މެޗް ކާމިޔާބުކޮށްގެންނެވެ.
މުބާރާތުގެ ޗެމްޕިޔަންކަން ހޯދި އެސް.ޓީ.އޯ ޓީމަށް ތަށްޓާއި ރަން މެޑަލް އަދި ފައިސާގެ އިނާމު ހަވާލުކޮށްދެއްވީ ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމެވެ.
މި ފުޓްސަލް މުބާރާތަކީ ފުޓްބޯލް އެސޯސިއޭޝަން އޮފް މޯލްޑިވްސްއިން އިންތިޒާމް ކުރައްވައިގެން ސަރުކާރު އޮފީސްތަކާއި ކުންފުނިތަކުގެ މެދުގައި ބޭއްވެވި މުބާރާތެކެވެ.
