ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް "ޕްރެޒިޑެންޓްސް ކަޕް 2016"ގެ ފައިނަލް މެޗް ޝަރަފުވެރިކޮށްދެއްވައިފިއެވެ. އަންގާރަ ދުވަހު ހަވީރު ރަސްމީ ދަނޑުގައި އޮތް މިމެޗްގައި މުބާރާތުގެ ޗެމްޕިޔަންކަން ކްލަބް އީގަލްސް ހޯދާފައިވަނީ، ކްލަބް ޓީ.ސީ އާ ބައްދަލުކޮށް 1 ލަނޑު 0 ލަނޑުން މެޗް ކާމިޔާބުކޮށްގެންނެވެ.
މުބާރާތުގެ ޗެމްޕިޔަންކަން ހޯދި އީގަލްސް ސްޕޯޓްސް ކުލަބަށް ތަށި ހަވާލުކޮށްދެއްވީ ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމެވެ.
