ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ސަޢޫދީ ޢަރަބިއްޔާއަށް ކުރައްވާ ރަސްމީ ދަތުރުފުޅުގައި، ސަޢޫދީ ޢަރަބިއްޔާގެ ވެރިރަށް ރިޔާޟަށް މިރޭ ވަޑައިގެންފިއެވެ.
ކިންގް ޚާލިދް އިންޓަރނޭޝަނަލް އެއާޕޯޓުން، ރައީސުލްޖުމްހޫރިއްޔާއަށް މަރްޙަބާ ވިދާޅުވީ، ރިޔާޟް ޕްރޮވިންސްގެ ގަވަރނަރ، ޕްރިންސް ފައިސަލް ބިން ބަންދަރ ބިން ޢަބްދުލްޢަޒީޒެވެ. ރައީސުލްޖުމްހޫރިއްޔާގެ މިދަތުރުފުޅުގައި، ދިވެހިރާއްޖެއާއި ސަޢޫދީ ޢަރަބިއްޔާއާ ދެމެދު ރަސްމީ ވާހަކަފުޅުތައް ބޭއްވުމަށް ހަމަޖެހިފައިވަނީ މާދަމާއެވެ.
