ތުރުކީގެ ބޮޑުވަޒީރު، ރެކެޕް ތައްޔިބް އެރްތުޤާން، އެޤައުމުގެ ރައީސްކަމުގެ ހުވާކުރެއްވުމުގެ ރަސްމިއްޔާތުގައި، ރައީސުލްޖުމްހޫރިއްޔާގެ ޚާއްޞަ މަންދޫބެއްގެ ހައިސިއްޔަތުން، މިނިސްޓަރ އޮފް އިސްލާމިކް އެފެއާޒް، ޑޮކްޓަރ މުޙައްމަދު ޝަހީމް ޢަލީ ސަޢީދު، މިއަދު ބައިވެރިވެވަޑައިގެންފިއެވެ. ތުރުކީގެ އާ ރައީސް ހުވާ ކުރެއްވުމުގެ ރަސްމިއްޔާތު އޮތީ، ބުރާސްފަތިދުވަހު އަންކާރާގައެވެ.
މިނިސްޓަރ އޮފް އިސްލާމިކް އެފެއާޒްގެ މި ދަތުރުފުޅުގައި، ތުރުކީގެ އާ ބޮޑުވަޒީރު އަޙްމަދު ދާވުތުﷲ އާއި، ޤަޠަރުގެ ޢަމީރު ޝައިޚް ތަމީމް ބިން ޙަމަދު އާލްޘާނީއާ ބައްދަލުކުރެއްވިއެވެ.
