ނަރެންދުރަ މޯދީ، އިންޑިޔާގެ ބޮޑުވަޒީރުކަމުގެ ހުވާކުރެއްވުމުގެ ރަސްމިއްޔާތުގައި ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މިއަދު ބައިވެރިވެވަޑައިގެންފިއެވެ. ނަރުންދުރަ މޯދީ، ހުވާ ކުރެއްވުމުގެ ރަސްމިއްޔާތު އޮތީ، ރާއްޖޭ ގަޑިން މިއަދު ހަވީރު 5.30ގައި، އިންޑިޔާގެ ރައީސްގެ ރަސްމީ ގަނޑުވަރު، ރާސްތުރަޕަތީ ބަވަންގައެވެ.
ރައީސުލްޖުމްހޫރިއްޔާގެ މި ދަތުރުފުޅުގައި، އިންޑިޔާގެ އާ ބޮޑުވަޒީރު ނަރެންދުރަ މޯދީއާ މާދަމާ ބައްދަލުކުރައްވާނެއެވެ. މި ބައްދަލުކުރެއްވުމުގައި، އިންޑިޔާއާއި ރާއްޖެއާއި ދެމެދުގައި އޮތް ގުޅުން ދެމެހެއްޓުމުގެ ތެރެއިން، އިންޑިޔާގެ އެކިއެކި އިންވެސްޓަރުން ރާއްޖޭގައި އިންވެސްޓް ކުރުމަށް ހުށަހަޅާފައިވާ ހުށަހެޅުންތަކާ ބެހޭގޮތުންނާއި، ދިވެހި ދައުލަތަށް އިންޑިޔާގެ ފަރާތުން ބޭނުންވާ ކަންތައްތަކާ ބެހޭގޮތުން މަޝްވަރާ ކުރައްވާނޭ ކަމަށް މި ދަތުރުފުޅުގައި ފުރާވަޑައިގަންނަވަމުން، ޚަބަރު ފަތުރާ ވަސީލަތްތަކަށް ދެއްވި ބަސްދީގަތުމުގައި ރައީސުލްޖުމްހޫރިއްޔާ މިއަދު ވިދާޅުވިއެވެ.
ރައީސުލްޖުމްހޫރިއްޔާ، މި ދަތުރުފުޅުގައި އިންޑިޔާގެ ރައީސާވެސް މާދަމާ ބައްދަލު ކުރައްވާނެއެވެ.
