ރައީސުލްޖުމްހޫރިއްޔާގެ ނައިބު ޑޮކްޓަރ މުޙަންމަދު ޖަމީލް އަޙްމަދު، ޔޫ.އޭ.އީ.ގެ ޚަލީފާ ފައުންޑޭޝަންގެ ޑިރެކްޓަރ ޖެނެރަލް، މުޙަންމަދު އަލްޚޫރީއާ ބައްދަލުކުރައްވައިފިއެވެ.
މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި މިބައްދަލުކުރެއްވުމުގައި، ރާއްޖޭގެ ތަރައްޤީއަށް ޚަލީފާ ފައުންޑޭޝަންގެ ފަރާތުން ވެދެއްވަމުން ގެންދަވާ އެހީތަކަށްޓަކައި އެޖަމްޢިއްޔާއަށް ރައީސުލްޖުމްހޫރިއްޔާގެ ނައިބު ޝުކުރު އަދާކުރެއްވިއެވެ. އަދި އިޖްތިމާޢީ ގޮތުން، ޚާއްޞަކޮށް ތަޢުލީމީ އަދި ޞިއްޙީ ދާއިރާ އިތުރަށް ތަރައްޤީކޮށް ހަރުދަނާކުރުމަށްޓަކައި، ޚަލީފާ ފައުންޑޭޝަނުގެ އެހީތެރިކަން ހޯއްދެވުމާ ބެހޭގޮތުންވެސް ރައީސުލްޖުމްހޫރިއްޔާގެ ނައިބު ވާހަކަފުޅު ދެއްކެވިއެވެ.
