ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ޕްރޮސިކިއުޓަރ ޖެނެރަލް ކަމުގެ މަޤާމަށް ގަލޮޅު ސައިމާ އަލްއުސްތާޛާ ޢާއިޝަތު ބިސާމް ޢައްޔަން ކުރައްވައި، އެކަމަނާއަށް މަގާމުގެ ފަތްކޮޅު މިއަދު ދެއްވައިފިއެވެ.
އަލްއުސްތާޛާ ޢާއިޝަތު ބިސާމަށް ޕްރޮސިކިއުޓަރ ޖެނެރަލް ކަމުގެ ފަތްކޮޅު ޙަވާލު ކުރެއްވުމުގެ ރަސްމިއްޔާތު އޮތީ، މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ.
ފަތްކޮޅު ދެއްވުމުގެ ކުރިން، ދިވެހިރާއްޖޭގެ އުއްތަމަ ފަނޑިޔާރު އޮނަރަބަލް އަލްއުސްތާޛު ޢަބްދުﷲ ސަޢީދުގެ ކުރިފުޅުމަތީގައި، ޕްރޮސިކިއުޓަރ ޖެނެރަލް ކަމުގެ ހުވާ، އަލްއުސްތާޛާ ޢާއިޝަތު ބިސާމް ކުރައްވައި، ހުވައިގެ އިޤްރާރުގައި އެކަމަނާ ސޮއިކުރެއްވިއެވެ.
